(၂၂)နှစ်မြောက် ရှစ်လေးလုံးနေ့အမှတ်တရ ကဗျာပြိုင်ပွဲမှ ဆုရကဗျာများ

တတိယ ဆု ရရှိသော သော ကလောင်ရှင် A.M.T ရဲ့ ရှစ်ဆယ့်ရှစ် ကဗျာဖြစ်ပါတယ်။


ရှစ်ဆယ့်ရှစ်
ဖုန်းမော်
ကြို့ ကုန်း
အင်းယား
မြေနီကုန်း
မြို့ တော်ခန်းမ
ဝန်ကြီးများရုံးနဲ့ 
၅၄ ခြံ
အာဇာနည်ကုန်း
၉၀
ဂန္ဒီ
နိုဘယ်လ်
၉၆ ,၉၈
ဒီပဲယင်း
ရွှေဝါရောင်မှသည်

………………….
…………………..

သြဂုတ်ကို ဆန်ရာကစ
အပူနဲ့ ဖိအားမှာ
နှစ်ကာလတချို့ ရောင်ပြောင်းတောက်ခဲ့ပြီ
တစ်ခုတည်းသော ငလျင်ကြောပေါ်က “ မျိုးဆက် “
ညီလေးရေ
သြဂုတ်ကို ဆန်တက်
သြဂုတ်ကို ဆန်တက်
အမောဆုံး အသက်ရှူသံမှာ ငါတို့ တပ်ဦး ရှိတယ်

AMT

29.7.2010



ဒုတိယဆိုရရှိသော ကလောင်ရှင် ခွန်တာဇံ (မကဒတ) ရဲ့ အောင်ပွဲနဲ့ အဆုံးသတ်မယ် ကဗျာဖြစ်ပါတယ်။

အောင်ပွဲနဲ့ အဆုံးသတ်မယ်



နှစ်ဆယ့်နှစ် ဆိုတာလောက်နဲ့
ရှစ်လေးလုံးကို
ဖုန်းကွယ်ချေဖျက်လို့ ရနိုင်ရိုးလား။

ရှစ်လေးလုံးဆိုတာ
အဖိနှိပ်ခံ ဘ၀တွေထဲမှာ
ကမ္ဘာမကြေဘူး ဖြစ်နေတယ်
ရှစ်လေးလုံးမှာ
တိုင်းပြည်ချစ်သူ အချို့
တိုင်းပြည်ချစ်တဲ့
ဝိဥာဉ်တွေ ဖြစ်သွားကြတယ်။

ရှစ်လေးလုံး ဒါဏ်ရာမှ
တိုက်ပွဲဝင် အလံတွေ ဖြစ်သွားကြတယ်
သံတိုင်ကြားက သူရဲကောင်းတွေ
အာဏာရှင်ကို မေးခွန်းထုတ်ပုံများ
ကြားတာနဲ့ ဖျားသွားနိုင်တယ်
ရက်စက်စရာနည်းလမ်း ကုန်ပြီးလားတဲ့။

ရိုးမပျော်သူတွေ
သူတို့ဘ၀နဲ့
ငြိမ်းချမ်းရေးကို
ထုဆစ်နေလိုက်ကြတာ
ရုပ်ထုတွေတောင်
ရင်ကွဲနာ ကျလောက်တယ်။

သားပျောက်မိခင်တွေများ
သူတို့ ပိုင်တဲ့ နိုဗယ်ဆုကြီးကို
ငြိမ်းချမ်းရေးအတွက်
တိုက်ပွဲဝင် ကျည်ဆံ လုပ်ပစ်ချင်သတဲ့။

ဒါတွေအားလုံးဟာ
ရှစ်လေးလုံးပဲ မဟုတ်လား

ကဲနပိုလီယံရေ
ခင်ဗျား အဘိဓါန်ထဲမှာ
ရှစ်လေးလုံးကို
ညွှန်းဖွဲ့ စပ်ဆိုမဲ့
ဝေါဟာရမရှိဘူးဆိုတာ
လက်ခံလိုက်ပါ။

ဒီတော့
အောင်ပွဲရမှ
ပြီးပြည့်စုံတဲ့
ရှစ်လေးလုံးကဗျာကို
နိဂုံးချုပ် အဆုံးသတ်မယ်။ ။


ခွန်တာဇံ (မကဒတ)



ပထမဆုရရှိသော ကလောင်ရှင် သီတာအောင် (တိုကျို-ဂျပန်) ရဲ့ ၈၈၈၈ အကြွေး ကဗျာဖြစ်ပါတယ်။



၈၈၈၈ အကြွေး

အဲဒိတုန်းကပေါ့
များလိုက်တဲ့လူအုပ်ကြီး
မျက်စေ့တဆုံး အုန်းအုန်းထပြီး
ကြွေးကြော်သံ တိုင်သူတိုင်
အလံကိုင်သူကိုင်နဲ့
တကယ့်ကို မြိုင်မြိုင်ဆိုင်ဆိုင်ကြီးပေါ့။

အဲဒိတုန်းကပေါ့
ထမင်းထုပ် ဝေသူဝေ
ရေအလှူ ကမ်းသူကမ်း
လူတန်းတလျှောက် ရဲရဲတောက်လို့
မိန့်ခွန်းတွေလည်း နားထောင်
လက်ခုပ်သံတွေ မြည်ဟီး
ပြည်ကြီး တုန်မတတ်ပေါ့။

အဲဒိတုန်းကပေါ့
စစ်တပ်ဆိုတာ
ပစ်ရင်မှန်အောင်ပစ်သတဲ့
နိုင်ငံကျော်မိန့်ခွန်း အပြီး
တည့်တည့်ကြီး အပစ်ခံဖို့
လက်နက်ပီးနေသလို
အသီးသီး ထွက်လာကြ
လူပင်လယ်ကြီးဖြစ်ရပေါ့။

အဲဒိတုန်းကပေါ့
ကိုယ့်ရှေ့က ဆရာသမား
ဦးနှောက်တွေအဖွေးသားနဲ့ လဲကျ
ဒဏ်ရာဗလပွနဲ့
လူထုရဲ့ ညည်းသံ
အဖန်ဖန်ပြန်ကြားရင်း
မေ့မရတဲ့ အိပ်မက်ဆိုး
ရင်ကို လာလာနှိုးလို့
ပြန်ကိုမတွေးချင်တာ
နှစ်(၂၀)ကျော်ကြာပေါ့။

ဘယ်လိုပဲဖြစ်ဖြစ်
အဲဒိတုန်းကပေးဆပ်ခဲ့တဲ့
လေးမြတ်သူတို့ရဲ့ စိတ်ဓါတ်
အဲဒိတုန်းက
လူထု

အဲဒိတုန်းက
ညီညွတ်မှု

အခု
ပြန်ရချင်လိုက်တာ။

သီတာအောင်(တိုကျိူ.ဂျပန်)

ဘတ်ဖလိုးမြို့ ရှစ်လေးလုံးနေ့ အခမ်းအနားနှင့် ကဗျာပြိုင်ပွဲ

(၂၂) နှစ်မြောက် ရှစ်လေးလုံးနေ့ အခမ်းအနားကို အမေရိကန်ပြည်ထောင်စု နယူးယောက်ပြည်နယ် ဘတ်ဖလိုးမြို့တွင် မြန်မာ့ဒီမိုကရေစီ အင်းအားစုများ ဦးဆောင်ပြီး ၂၀၁၀ခုနှစ် သြဂုတ်လ (၈) ရက်နေ့တွင် နေ့လည် (၁)နာရီမှ (၅)နာရီအထိ ကျင်းပခဲ့ကြသည်။

အခမ်းအနားသို့ အမျိုးသားဒီမိုကရေစီအဖွဲ့ချုပ် (လွတ်မြောက်နယ်မြေ) အမေရိကန်ဌာနခွဲ ဥက္က​ဌ ဦးမျိုးသန့်၊ International Amnesty မှ ကိုယ်စားလှယ်များ၊ ဘတ်ဖလိုးမြို့ဒေသခံများနှင့် ဘတ်ဖလိုးရောက် မြန်မာနိုင်ငံသားများ တက်ရောက်ခဲ့ကြသည်။

အစီအစဉ်တွင် ရှစ်လေးလုံးကာလအတွင်း ပြည်သူများ၏ လှုပ်ရှားမှု ဓါတ်ပုံများ၊ မှတ်တမ်း ဗွီဒီယိုများကို ပြသခဲ့ကြပြီး လှုပ်ရှားမှုတွင် ပါဝင်ခဲ့ဖူးသူများက ၄င်းတို့၏ အတွေ့အကြုံ လှုပ်ရှားမှုများကို တက်ရောက်လာကြသူများအား ပြန်လည်ပြောကြားခဲ့သည်။ ယင်းနောက် ရှစ်လေးလုံး အမှတ်တရ ကဗျာပြိုင်ပွဲကို ကျင်းပခဲ့ကြသည်။ ကဗျာပြိုင်ပွဲသို့ ပြည်တွင်းပြည်ပမှ ကဗျာဝါသနာရှင်များ ပါဝင်ယှဉ်ပြိုင်ခဲ့ကြရာ ပေးပို့လာသော ကဗျာအပုဒ် (၂၀) ထဲမှ (၃)ပုဒ်ကို ရွေးချယ်ပြီး ပထမ၊ ဒုတိယ၊ တတိယဆုများ ချီးမြှင့်ခဲ့သည်။ ပထမဆုကို ဂျပန်နိုင်ငံမှ သီတာအောင်(တိုကျို)က ၈၈၈၈ အကြွေး ကဗျာခေါင်းစဉ်ဖြင့်လည်းကောင်း၊ ဒုတိယဆိုကို ထိုင်းနိုင်ငံဝါသနာရှင် ခွန်တာဇံ(မကဒတ) က အောင်ပွဲနဲ့ အဆုံးသတ်မယ် ကဗျာခေါင်းစဉ်ဖြင့်လည်းကောင်း တတိယဆုကို ဘတ်ဖလိုးမြို့မှ AMT က ရှစ်ဆယ့်ရှစ် ကဗျာခေါင်းစဉ်ဖြင့်လည်းကောင်း အသီးသီး ရရှိသွားခဲ့ကြသည်။ (ပေးပို့ယှဉ်ပြိုင်ထားသော ကဗျာများကို www.abebuffalo.blogspot.com ကဗျာကဏ္ဍတွင် သီးသန့်တင်ပေးသွားပါမည်။)

အခမ်းအနား အစီအစဉ်အဆုံးပိတ်ကို ကမ္ဘာမကြေဘူး သီချင်းအား သီဆိုကာ ရုတ်သိမ်းခဲ့ကြကြောင်း သိရှိရသည်။

၂၂ နှစ်မြောက် ရှစ်လေးလုံးအခမ်းအနား မှတ်တမ်းဓါတ်ပုံများ



ဗွီဒီယိုမှတ်တမ်း

ဘတ်ဖလိုးရောက် မြန်မာများ ၀ိုင်းစုခိုင်သိန်းအား ရှုတ်ချ

၂၀၁၀ခုနှစ် သြဂုတ်လ (၇) ရက်နေ့တွင် ဘတ်ဖလိုးမြို့သို့ သီဆိုဖျော်ဖြေရန်ရောက်လာသော ရုပ်ရှင်သရုပ်ဆောင်နှင့် အဆိုတော် ၀ိုင်းစုခိုင်သိန်းအား အာရုဏ်ဦးတွင်ဖူးသည့်ကြာ ဇာတ်ကားတွင် ပါဝင်သရုပ်ဆောင်ခဲ့သောကြောင့် ဘတ်ဖလိုးရောက် မြန်မာများက ဆန္ဒပြ ရှုတ်ချခဲ့ကြသည်။ ထို့အပြင် ထိုဇာတ်ကားတွင် ပါဝင်သရုပ်ဆောင်ခဲ့သည့် (၆၈) ယောက်သော သရုပ်ဆောင်များနှင့် နအဖ အသုံးချခံ အနုပညာရှင်များထံသို့ အိတ်ဖွင့်ပေးစာတစောင် ပေးပို့ခဲ့ကြောင်း သိရှိရသည်။

နအဖအစိုးရ လက်အောက်တွင် အနုပညာရှင် အများစုသည် အစိုးရ၏ ၀ါဒဖြန်ချိရေး အသုံးချခံများ ဖြစ်နေကြရသည်။ ဘတ်ဖလိုးရောက် မြန်မာများအနေဖြင့် အနုပညာရှင်ရှင်များသည် ၄င်းတို့၏စားဝတ်နေရေးနှင့် အနုပညာဖြင့် လုပ်စားခွင့်ရရှိရေးများအတွက် ယင်းကဲ့သို့ အသုံးချခံနေရသည်ကို သိသော်လည်း သမိုင်းအမှန်ကို အမှား မြင်စေနိုင်သော၊ အနာဂတ်မျိုးဆက်များ အမှတ်လွဲစေနိုင်သော ယင်းကဲ့သို့ ဇာတ်ကားမျိုးတွင် သရုပ်ဆောင်ခြင်းအား လုံးဝ ဆန့်ကျင်သည်ကိုသိစေရန် ဆန္ဒပြခြင်းဖြစ်ကြောင်း ပြောကြားခဲ့သည်။

ဆန္ဒပြခြင်းကို ညနေ ပွဲမစမီ (၄)နာရီတွင် စတင်ခဲ့ပြီး (၅)နာရီတွင် ရုတ်သိမ်းခဲ့ကြောင်း သိရသည်။

ဝိုင်းစုခိုင်သိန်းထံသို့ အိတ်ဖွင့်ပေးစာ
Open Letter to Wyne Suu Khaing Thein